چەتئەل تاراتقۇلىرى: ئارگېنتىنا ھۆكۈمىتى مارادوناغا دۆلەت دەرىجىلىك دەپنە مۇراسىمى ئۆتكۈزۈپ بېرىدۇ. ئارگېنتىنالىق رىۋايەتلىك پۇتبول چولپىنى مارادونا 25-چېسلا ئۆيىدە تۇيۇقسىز يۈرەك مۇسكۇل تىقىلمىسى بىلەن 60 يېشىدا ئالەمدىن ئۆتتى. ئەنگلىيە «مۇھاپىزەت گېزىتى نىڭ ئەمدىلا خەۋەر قىلىشىچە، مارادونانىڭ جەسەت ساقلاش مۇراسىمى 26-چېسلا پايتەخت بۇئېنۇس ئايرېس شەھەر مەركىزىدىكى زۇڭتۇڭ مەھكىمىسىنىڭ ئەتىرگۈل سارىيىدا ئۆتكۈزۈلىدىكەن. «مۇھاپىزەتچىلەر گېزىتى»نىڭ ئېيتىشىچە، شۇ چاغدا بىر مىليون ئادەم قاتنىشىپ بىر ئەۋلاد پۇتبول شاھىنىڭ تاۋۇتىنى كۆتۈرۈپ ئۆتىدىكەن.

مارادونانىڭ شەخسىي ئەترىتىنىڭ ئاشكارىلىشىچە، مارادونا 25-نويابىر سەھەردە بۇئېنوس ئايرېس ئۆلكىسى تىگرېيدىكى ئۆيىدە ۋاپات بولغان. ئۇ مۇشۇ ئاينىڭ 3-كۈنى باش قىسمىنى ئوپېراتسىيە قىلدۇرغان بولۇپ، 11-كۈنى شۇ جايدىكى تۇرالغۇسىغا يۆتكەلگەن ھەم دوختۇرنىڭ ھاراق تاشلىتىپ داۋالىشىنى قوبۇل قىلغان.

ئارگېنتىنا زۇڭتۇڭ مەھكىمىسى شۇ كۈنى ئۇقتۇرۇش چىقىرىپ: مارادونا ۋاپات بولغاچقا، ئارگېنتىنا ئۈچ كۈنلۈك تەزىيە بىلدۈرۈش مەزگىلىگە كىردى، دېدى.

1997-يىلى ھەربىي سەپتىن چېكىنگەندىن كېيىن، مارادونادا كۆپ قېتىم سالامەتلىك مەسىلىسى كۆرۈلدى، ئەڭ ئېغىر بولغىنى 2004-يىلى ئۇنىڭ ئۆپكىسى يۇقۇملىنىپ، يۈرەك كېسىلى قوزغىلىپ جىددىي دوختۇرخانىدا يېتىپ قالدى، ئەينى چاغدا يۈرەك سوقۇشى ۋە نەپىسى توختاپ قېلىش ئەھۋالى كۆرۈلدى. 2019-يىلى مارادونا سالامەتلىكى يار بەرمەي، مېكسىكىنىڭ ئىككىنچى دەرىجىلىك بىرلەشمىسىدىكى دولادوس كوماندىسىغا باش ترېنېرلىق قىلىشتىن توختاشقا مەجبۇر بولدى. ئۇ باش ترېنېرلىق قىلىش مەزگىلىدە ئاشقازىنى قاناپ دوختۇرخانىدا يېتىپ داۋالانغان.

مارادونا 30-ئۆكتەبىر 60 ياشقا كىردى. تۇغۇلغان كۈنى ئۇ يەنە ئۆزى ترېنېرلىق قىلغان لاپلاتا گىمناستىكا كوماندىسىنىڭ ئاساسىي مەيدانىغا بېرىپ مۇسابىقىگە قاتناشتى، لېكىن سالامەتلىكى ناچار بولغاچقا توپ مەيدانىدا نەچچە مىنۇت تۇرۇپلا كېتىپ قالدى.