ئوت يۈرەك، بىتەكرار سەنئەتكار مەھمودسۇلايمانغا مەرسىيە

سەن ياشايسەن مىليون قەلىبتە .

مۇھەممەتتۇرسۇن بارات ( مۇقام )

مەھمۇد ئىدى ئسمىڭ بەك ئۇلۇغ .

قەلىبلەرگە ئويۇلغان ئسىم .

يۈرەكلەرنى مىڭ پارە قىلىپ .

قايان كەتتىڭ جېنىم ئادىشىم .

ئەل ئوغلىغا ئايلانغان ئۆزۈڭ .

ناخشاڭ بىلەن كۆيدۈرۈپ ئەلنى .

كارۋان ئىدىڭ سەنئەت يولىدا .

بىسىپ كەلگەن بۇ بۈيۇك يولنى .

كۈيلەر ئىدىڭ ناخشاڭغا قېتىپ .

ئەل ئشقىنى، چىن مۈھاببەتنى .

ئىسىل، كەم سۆز،جىمغۇر ئىدىڭ سەن .

يۈرىكىڭگە سالغانمو دەرتنى .

مەردانە شۇ شىردەك قامىتىڭ .

قەشقەرلىقنىڭ نەق ئۆزى ئىدى .

ناخشاڭدىكى ئەركەك ئاۋازىڭ .

سەنئتىمنىڭ جۈپ كۆزى ئىدى .

ئەلمىساقتىن ھەممىگە باردۇر .

ئۆلۈم ھەقتۇر، ئۆلۈم مۇتلەقتۇر .

ئەمما سەندەك ئەل ئوغلانىنى .

بۇ دۇنيادا ئۇنۇتماق تەستۇر .

خەير دوستۇم، ئورنۇڭ گۈل بولسۇن .

ئىز باسارىڭ باردۇر بۇ سەپتە .

ئۆزۈڭ كەتتىڭ،    كۈيلىرىڭ قالدى،

سەن ياشايسەن مىليۇن قەلىبتە .

2020 -11 -23

شەھرى ئۈرۈمچى