ئارگېنتىنا ۋاقتى 25-نويابىر مارادونا ئارگېنتىنانىڭ تىگرېدىكى ئۆيىدە ناشتا قىلغان، ئاندىن جىيەنى جوننى ئېسپوسىتوغا ئەڭ ئاخىرقى بىر جۈملە سۆزنى قىلغان: « مەن بىئارام بولۇۋاتىمەن» . يەنە بىر قېتىم يېتىپ ئارام ئالماقچى. ئۇنىڭ ھالىدىن خەۋەر ئالغان سېسترا دەرھال تېلېفون قىلىپ قۇتقۇزۇش ماشىنىسى چاقىردى.

سىن كۆرۈنۈشى: يېشىل مەيداندىكى مىڭ مەيدان پۇتبول شاھى

بىر ۋىدىيودا مارادونانىڭ پۇتبول ھاياتىدىكى نادىر دەقىقىلەرنى كۆرۈڭ

ۋاقتى تەخمىنەن ئۈچ مىنۇت بەش سېكۇنت

ئارگېنتىنانىڭ بىر ئەۋلاد ئەپسانىۋى گىگانت چولپىنى مارادونا بېيجىڭ ۋاقتى 26-نويابىر سەھەردە ئالەمدىن ئۆتتى. بۇنىڭدىن ئىلگىرى 60 ياشلىق مارادونانىڭ سالامەتلىكى ئىزچىل ياخشى ئەمەس ئىدى، بۇ يىل 11-ئاينىڭ بېشىدا باش ئوپىراتسىيىسى قىلىندى. شۇنداق دېيىشكە بولىدۇكى، ئارگېنتىنانىڭ بۇ پۇتبول شاھى يېقىندىن بۇيان مەيلى بەدەن جەھەتتىن بولسۇن ياكى پىسخىكا جەھەتتىن بولسۇن ناھايىتى ئوسال ئەھۋالدا قالدى.

مارادونانىڭ   سالامەتلىكىدىن ئەندىشە قىلغاچقا، ئۇنىڭ ئائىلىسىدىكىلەر يېقىن ئەتراپقا نۇرغۇن قۇتقۇزۇش ئاپتوموبىلى ئورۇنلاشتۇرۇپ بۇيرۇق كۈتۈپ تۇرغان بولسىمۇ، توققۇز قۇتقۇزۇش ئاپتوموبىلى نەق مەيداندا ياردەم قىلغان بولسىمۇ، مارادونانىڭ كېتىشىنى يەنىلا توسۇپ قالالمىدى. ئارگېنتىنا ۋاقتى 25-نويابىر چۈش سائەت 13 تىن 2 مىنۇت ئۆتكەندە، مارادونا قۇتقۇزۇش ئۈنۈم بەرمەي ئالەمدىن ئۆتتى، شۇنىڭ بىلەن بىر ئەۋلاد پۇتبول پادىشاھى ئاخىرقى ھاياتىنى ئاخىرلاشتۇردى.

ئارگېنتىنانىڭ تەپتىش ئەمەلدارى جون بروئاد ئارگېنتىنا تاراتقۇلىرىغا مۇنداق دېدى: قازا قىلىش بېكىتىلگەندىن كېيىن، مارادونانىڭ جەسىتى يېقىن ئەتراپتىكى جەسەت ساقلاش ئۆيىگە ئېلىپ كېلىنىپ جەسەت تەكشۈرۈلدى، ئۇ مۇنداق دېدى: « مارادونا شۇ جاي ۋاقتى چۈشتىن كېيىن سائەت 12 ئەتراپىدا قازا قىلدى. قانۇن دوختۇرى ساقچىلىرى چۈشتىن كېيىن سائەت تۆتتە خىزمەت قىلدى. ھېچقانداق جىنايەت ياكى زوراۋانلىق ئالامەتلىرى بايقالمىدى. بىز شۇنداق دېيەلەيمىزكى، ھەممە نەرسە يۈرەك تۇيۇقسىز توختاپ قېلىشنىڭ سەۋەبىگە قارىتىلغان. » دېدى.

ئارگېنتىنا پۇتبولچىلار جەمئىيىتى ئىجتىمائىي ئالاقە تاراتقۇلىرىنىڭ ھۆكۈمەت ھېسابات نومۇرىدا ماقالە ئېلان قىلىپ، پۇتبولچىلار جەمئىيىتىنىڭ رەئىسى تاپىيا ئارقىلىق ئارگېنتىنانىڭ رىۋايەتلىك پۇتبول چولپىنى مارادونانىڭ ئالەمدىن ئۆتكەنلىكىگە چوڭقۇر تەزىيە بىلدۈردى ھەم مارادونانىڭ قەلبىمىزدە مەڭگۈ ياشايدىغانلىقىنى بىلدۈردى.

25-نويابىر چۈشتىن بۇرۇن ئارگېنتىنا زۇڭتۇڭ مەھكىمىسى مارادونانىڭ ۋاپات بولغانلىقى توغرىسىدا ئۇقتۇرۇش چىقاردى، شۇ كۈندىن باشلاپ پۈتۈن ئارگېنتىنا ئۈچ كۈنلۈك تەزىيە بىلدۈرۈش مەزگىلىگە كىردى.

مارادونانىڭ تۇيۇقسىز ئالەمدىن ئۆتۈشى پۇتبول چەمبىرىكىنى زىلزىلىگە سالدى، شۇنداقلا نۇرغۇن كىشىلەرنى چەكسىز قايغۇغا سالدى، مارادونا ۋاپات بولغاندىن كېيىن، پۈتۈن دۇنيا ئۆز ئۇسۇلى ئارقىلىق بۇ ئۇلۇغ پۇتبول چولپىنىغا تەزىيە بىلدۈردى. دۆلەت ئىچى ۋە سىرتىدىكى توپ مەستانىلىرى، پۇتبول چولپانلىرى، ئاخبارات ۋاسىتىلىرى قاتارلىقلارنىڭ ھەممىسى ئۆزلىرىنىڭ ئەپسۇسلىنىش ھېسسىياتىنى ئىپادىلىدى.

پورتۇگالىيەلىك گىگانت چولپان كىرىستىيانو رونالدو تۇنجى بولۇپ بۇ رىۋايەتلىك پېشۋاغا تەزىيە بىلدۈردى. گەرچە مارادونا رونالدونىڭ« ئۆمۈرلۈك رىقابەتچىسى» مىسسىنىڭ قېرىندىشى بولسىمۇ، لېكىن بۇ كىرىستىيانو رونالدونىڭ مارادوناغا بولغان ھۆرمىتىنى قىلچە توسۇپ قالالمىدى. كىرىستىيانو رونالدو شەخسىي ئىجتىمائىي ئالاقە ھېسابات نومۇرىدا ئۆزىنىڭ مارادونا بىلەن بولغان كونا سۈرىتىنى ئاشكارىلىغاندىن كېيىن قايغۇرغان ھالدا مۇنداق دەپ يازدى: « بۈگۈن مەن بىر دوستۇمغا خوش دېدىم، دۇنيا مەڭگۈلۈك تالانت ئىگىسى بىلەن خوشلاشتى. تارىخى ئەڭ ياخشى پۇتبولچىنىڭ بىرى. تەڭداشسىز سېھرىگەر. سىز بەك بالدۇر كېتىپ قالدىڭىز، لېكىن چەكسىز مىراس ۋە مەڭگۈ تولدۇرغىلى بولمايدىغان بوشلۇقنى قالدۇرۇپ قويدىڭىز. خاتىرجەم يېتىڭ، سىز مەڭگۈ ئۇنتۇلۇپ قالمايسىز. » دېدى.